China-ah chuan he natna hi mi 9,692-in an kai tawh a, mi 213-in an thihpui tawh a ni. Hetihlai hian ram dang mi coronavirus kai tawh 98 an awm a, thi erawh an la awm lo thung.
WHO hotulu Tedros Adhanom Ghebreyesus chuan khawvel puma emergency puan chhan ber chu China-a thil thleng vang chauh ni lovin ramdanga a \aidarh nasat tawh lutuk vang a ni a ti.
WHO hotu chuan damdawi lam inenkawlna nei \ha ramah te pawh a darh zel theih vangin emergency puan chu a \ul tih a sawi a, coronavirus chu thil la awm ngai lo a ni a, China thuneituten an beihlet dan chu fakawm a tih thu a sawi. He hrileng vang hian China-a sumdawnna te leh a kaihhnawih tih tlem emaw, khuahkhirh emaw chhan tur a awm lo tih a sawi a, emergency an puan chu China-a rintawk lohna a ni lo tih a sawi bawk.
Dr. Tedros chuan ram \henkhat, ramri khar leh thlawhna service titawp an awm a, Google, Ikea, Starbucks leh Tesla company te pawn China-a an dawr leh pisa te an khar tih a sawi bawk.
Hetihlai hian US chuan a ram mite chu China-a zin lo turin a hriattir a, state dept. chuan China-a zin a khap rual hian a ram mi leh sa China-a awm te chu a rang lama China chhuahsan turin a ngen bawk a ni.
Germany, Japan, Vietnam leh United States-a damlo, coronavirus kaite chu China-a zin an ni deuh vek tih WHO chuan a tarlang.
