Nikuma Wuhan a\anga chhuak hri hi khawvel pumpuiah mi nuai 42 chuangin an kai tawh a, mi nuai 3-in an thihpui tawh a ni. Ram thenkhat ten hrileng tih rem nan inkharkhip an neih chu an inthlahdul tan mek a, WHO chuan hrileng chu engtikah mah tihrem fai vek theih a ni lo mai thei tih a sawi.
WHO Emergencies director, Michael Ryan chuan Covid-19 hi khawvel pum huapa a len \um khatna a ni a, umbova a awm hun tur chu sawi lawk theih a ni lo tih sawiin, he hri hi khawvela hri awm ve rengah a chang thei a, a awm kumhlun thei bawk a ni a ti a, HIV pawh a reh lo va, amaherawhchu, zawi muangin pawm chhoh a ni zel tih a sawi a, Coronavirus chhuah tirh a\ang khan khawvel mipui tam zawk chu inkharkhipna hnuaiah an la awm reng a, WHO chuan inkhuahkhirhna thlahdulna hian hrileng thawh hnihna a thlen lo ang tih a sawi theih loh a ni a ti bawk.
WHO hotu Tedros Adhanom Ghebreyesus chuan ram tam tak chuan inthlahdul duh tawh mahse WHO chuan ram zawng zawngte chu inralring reng turin thurawn a pe tih a sawi.
