WHO hian ram \henkhatin mipui khuahkhirhna thupek thlahdul an tum chu fimkhur taka kalpui turin a chah a, inthlahdul a nih chuan hri a leng nawn leh thei a, tun dinhmunah chuan inthlahdul chi a ni rih lo a ni a ti. WHO Western Pacific regional director Dr Takeshi Kasai chuan tun dinhmunah chuan khawsak dan phung pangngai thlak danglam ngam a tul rih a ni a ti.
Hetihlai hian coronavirus hri leng vang hian khawvel pumah eitur kham khawp hmu phak lo chu a letin an pung chho dawn tih UN hnuaia World Food Programme WPF chuan a sawi a, kumin chhungin eitur khawp kham hmu phak lo hi mi maktaduai 265 zet an tling chho dawn niin WPF hian a chhut a ni. Hri leng vang hian khualzin an awm theih loh avangin tourism lam a\anga sum lakluhna zawng zawng a chat vek dawn a, ram hrang hrangah mipui khuahkhirhna thupek kenkawh a nih avangin harsatna tawk tam tak an awm dawn a, hei hian mi maktaduai 130 vel chu eitur kham khawp hmu phak lovah a chhuah dawn nia chhut a ni a, hri a len hma-a mirethei, eitur kham khawp hmu phak lo mi maktaduai 130 vel awm sa te nen, kumin chhungin mi maktaduai 265 velah an pung chho dawn nia chhut a ni.
