Naupang khuaikhem dona ni, World Day for Prevention of Child Abuse chu vawiin khan Aizawl District Child Protection Unit leh CARE World Vision India \angkawp bul tumin Chanmari YMA Hall-ah hman a ni a. A hmanpuitu, Social Welfare Director, Pi Laldikkimi chuan, Mizoramah hur sualna lama kaihhnawih thubuai a pung chho zel nia sawiin, hetiang lam hawi suahsualna thila inhnamhnawihte thubuai siamsak an pung chho zel niin a sawi a, hemi kawngah hian Mizoram State Child Protection Society leh Social Welfare Department-in mipui beng tivar turin \an an la reng niin a sawi. He inkhawm hi DCPO, Pu James Lalthangmawia’n a kaihruai a, LPO, Pi Laltlansangi Fanai-in hemi chungchanga dan ding lai a sawifiah a, Police, Child Welfare Committee leh Juvenile Justice Board hotuten thu an sawi bawk. Vawiina World Day for Prevention of Child Abuse hmannaah hian High School hrang hranga zirlaite an tel a, naupangte chuan mipat hmeichhiatna laka fihlim tur leh mi dang chunga harsatna thlen loh tura intiamna atan Pledge Board-ah hming an ziak a ni. CWC Report a\anga a lan danin, kumin April a\anga October thla thleng khan Mizoramah POCSO Act hnuaiah thubuai 104 ziahluh a ni tawh a ni.
