Sum hi a pung tlem chi loan anga pek chhuah tur te, \anpuina anga pek tur leh technical lama \anpuina tur te a ni dawn a, coronavirus vanga khawvel ram hrang hrangte sum leh pai dinhmun a tlak hniam lohna turin he sum hi hman a ni dawn a ni. World Bank Group President David Malpass chuan virus darh zau zel tur ven chu an tum ber a ni tih a sawi a, ram rethei zual leh hri leng tuar nasa zual turte chu ngaih pawimawh hmasak an ni ang.
Coronavirus hi khawvel ram hrang hrangah mi sing 9 sang 2 velin an kai tawh a, chung zinga sing 8 zet chu China ram chhunga chengte anni a, khawvel pumah mi sang 3 chuangin an thihpui tawh a ni.
Chinaah chuan mipui khuahkhirhna khauh taka kalpui a nih avangin virus kai thar zat hi an tlahniam a, China pawn lamah chuan South Korea ah kai an tam hle a, a kai thar 516 hmuh chhuah lehte nen 5328 in an kai tawh a, mi 33 in an thihpui tawh a ni.
