Serchhip-a Whatsapp Group pakhat ‘Thupui Sawihona Group’ in an sum thawhkhawm hmanga an lei, naute eng hemna khawl chu vawiin khan Serchhip damdawi In-ah an hlan a. Hemi puala inkhawm tawi CMO Conference Hall-a neihah Serchhip District Medical Superintendent, Dr. ZD. Lalmuanawma chuan, mi inphalten damlo enkawlna khawl tangkai tak an pek chu mipuiin an chhawr tangkai ngei a beisei thu a sawi. Vawiina Serchhip Whatsapp Group-in naute eng hemna khawl an pek hi cheng 45,000 man a ni a, nikum khan Serchhip damdawi In-ah hian Vital Monitor, cheng 95,000 man an lo pe tawh bawk.
