Hliam te hi motorcycle leh ambulance te hmangin damdawiin hnai berah hruai an ni a, Prime Minister chuan hliam te hi a hnuah a tlawh a ni. Vantlang inkhawm \an hma zing lam a\angin ruah nasa takin a sur a, hulhliap zar a chim lai hi chuan ruah hi a sur nasa lutuk lo a, mipui pungkhawm tam takin Prime Minister hmuh tuma hulhliap do nghehna banah te mi \henkhat an lawn avangin a chim ta a ni. Hulhliap a chim lai hian mipui pungkhawm an chiai nasa hle a, Prime minister chuan chiai lo tura mipuite auvin, tlan buai lova hmun him lama in thiar fihlim turin pungkhawmte a au a, hliam zinga a tam zawk hi hmeichhia an ni.
Nidnapore-a vantlang inkhawmah hian Prime Minister chuan fur thlai chi hrang hrang 14-ah sorkarin minimum support price a pe dawn tih a sawi a, Mamata Banerjee kaihhruai West Bengal sorkar chu loneitute ngaihthahah a puh a ni.
