He thil thlenna hmun hi Gajole police station huam chhunga Kadamtali khuaah a ni a, naupang thi te hi mipa ve ve kum 5 leh kum 7 mi an ni a, hmeichhe naupang unau pahnih kum 7 leh kum 3 mi hliam tuarte chu Malda Medical College and hospital ah dahluh an ni.
District Superintendent of Police Alok Rajoria chuan naupangte thih chhan dik tak hi chhui chian mek a ni a ti a, naupang nu leh pa te sawi danin heng naupang palite hi an chenna bul ramhnuai a\anga an hawin nikhaw hre lovin an awm a, dawithiam hnenah hian an hruai a ni.
Police te chuan heng naupangte hian ramhnuaiah mihring tana hlauhawm theirah engemaw tak an ei nia an rin thu an sawi a, Trinamool Congress MLA Dipali Biswas chuan mitthi chhungte leh dam lo te hi a tlawh nghal a, naupang nu leh pa te chuan dawithiam hnenah ni lo, damdawi in zawkah hruai vat zawk se’ng chuan naupangte chu chhan theih an nih a rin thu a sawi a, puithuna atthlak tak ring tawh lo turin a khaw mipuite pawh a chah tih a sawi. Damdawi lam thiamte pawh he khuaah hian tirh nghal an ni.
