BJP chuan hmarchhak state, Arunachal Pradesh, Pakistan awp, Kashmir leh India leh China-in an inchuh, Aksai Chin tel lohna India map, zirna in hrang hranga pe-ah West Bengal Board of Secondary Education a puh a, he map hi pawl sawm board exam neih tur inenlawkna, exam buatsaiha hman atana pek chhuak niin a sawi. West Bengal-a BJP General Secretary, Raju Banerjee-a sawi danin, WBBSE-in exam-a tihchhuah tur zawhna a sem chhuahah hian ram chhunga Kashmir, Aksai Chin leh Arunachal Pradesh awm lohna India map a tel a, he map-ah hian WBBSE chhinchhiahna pawh a chuang ngei a ni. BJP hruaitu hian state sorkar phalna tel lo chuan hetiang thil hi a thleng thei lova, Kashmir leh Arunachal Pradesh chu theihtawpa ramin hum a tum lai a, Trinamool Congress kaihhruai sorkarin Pakistan leh China thlawp zawnga thil a ti chu zahthlak leh demawm a tih thu a sawi a ni. State Education Minister, Partha Chatterjee chuan BJP hruaitu-in WBBSE a puhna hi thu tling lo nia sawiin, WBBSE hian board exam-ah chauh zawhna a buatsaih \hin a, zirna ina buatsaih, test leh exam-ah a inrawlh ve lo niin a sawi a, map-ah hian WBBSE chhiahchhiahna chuang mah se, Board-in zawhna a siamah chuan chhinchhiahna ni lovin number a chuang \hin niin a sawi a, Pu Chatterjee chuan BJP hian he state-ah hian dinhmun \ha an chan theih loh avangin mipuite rilru tihbuai leh buaina chawh chhuah bak tih theih an nei lo niin Minister chuan a sawi bawk.
Chanchin Thar West Bengal Board of Secondary Education-in Arunachal Pradesh, Kashmir leh Aksai Chin...
