West Bengal-ah thingrem chhungah hmeichhe ruang chhar

West Bengal Durgapur-a Bank hnathawk nupa chenna ah, khual chhawn hmeichhe pakhat ruang tawih chhe tawh, thingrem nawr lirh theih chi chhunga dah chhar a ni a, in neitute nupa hi man nghal an ni. Police te sawi danin ruang hi Shilpa Agarwal a ni tih finfiah a ni a, Bankura District Bank pakhat khual chhawn a ni. Police ten an man te hi Rajiv Kumar a ni a, Bank manager a ni thung. Vanduaina tawk ta, Shilpa Agarwal hian Zirtawpni khan a chhungte biain West Burdwan District Asansol ah a ni tlawh turin a kal dawn tih a hrilh a, a tuk, Inrinni atangin chin hriat lovin a bo zui ta a, a chhungte hian Police te punin an zawng zui a. Police te chuan thil uih rimchhe tak an hriat thu mi thenkhatin an hrilh bawhzuiin, thingrem chhunga Shilpa Agarwal-i ruang, chansawm hnua hnawhluh hi an hmu chhuak ta a ni. A chhungte chuan Kumar hi tualthattu a ni ngei niin an sawi a, Agarwal-i hian cheng nuai 1 a lo pek tawh a thin let vangin a that ta niin an sawi. Police te chuan tualthahna thlen dan hi an chhui chiang mek tih an sawi.