West Bengal-a South Dinajpur district-ah Trinamool Congress Panchayat hruaituten mi ram an chuhpui vangin ram neitu unau, hmeichhe pahnihten lungawilohna an lantir a, panchayat hruaitute chuan heng hmeichhe pahnih te hi hruiin an phuar hlawm nia sawi a ni.

Panchayat hruaitute hian he ram hi kawng siam nan lak an tum a, ram neitute chuan feet 12-a zau chin chu lak phalin an inrem a, an inrem hnua kawng siam hna an thawh dawnah feet 24-a zau lak an tum leh si vangin an ram an chan nasa lutuk tur chu an remti lova, buaina hi a chhuak ta a ni.

Ram neitu unaute hi an sawisaknaah hliam tenau an tawrh vangin damdawi inah hruai an ni a, a upa zawk Soma Das chu first aid pek a nih hnuah chhuah a ni a, Smritikona Das pawh rei vak lo enkawl a nih hnuah damdawi in a\angin a chhuak leh tawh a ni.

Pathianni khan Trinamool district hotu, Arpita Ghosh chuan panchayat hotu, Amal Sarkar chu a hna a chawlh lailawk tir a ni.