Delhi, Mumbai leh khawpui danga junior doctor te chuan West Bengal-a doctor te nawrhna hi zawmin vawiin khan hna an thawk duh lo a, West Bengal ah hian Kolkata-a damdawiin pakhatah doctor chu dam lo chhungte zinga mi pakhatin na takin kut a thlak a, hei vang hian doctor te hian venhimna \ha zawk ruahman sak phutin nawrh hi an huaihawt a ni. Union Health Minister Harsh Vardhan chuan doctor te nawrh chhanah West Bengal Chief Minister Mamata Banerjee a puh a, doctor kut thlaktu man tum lova, doctor te zawk an hna chhunzawm tura a vau chu buaina chinfelna a ni lo a ni a ti a, Mamata banerjee chu doctor te harsatna tawh chinfel chu tlawma la lo turin a ngen tih a sawi. Union Minister hian ram chhung hmun hrang hranga doctor te chu thlamuanin an himna turin sorkarin hma a la zel dawn a ni a ti.
All Indian Medical Association IMA chuan ram chhunga doctor pawl hrang hrangte chu lungawi lohna lantir tur leh lungawi lohna lantir nana badge dum bel turin a hriattir a ni.
Hetihlai hian Chief Minister Mamata Banerjee-i chuan Union Home Minister, BJP President nibawk Amit Shah chu an party mi te fuihpawrha West Bengal-a buaina chawh chhuah tumah a puh a, Junior doctor te nawrh chhan-ah pawh BJP leh CPI(M) te an inrawlh niin a sawi.
