Thla 5 kaltaa TMC pawl atanga BJP-a inlet Suprabhat Batyabyal-a hi he thil thlen lai hian an chenna inah hian a awm lo a, a unaupa sawi dan chuan zan dar 8 velah mi tu tih hriat loh 5 an inah an rawn lut a, Suprabhat-a ina a awm lo tih an hriat hnuah pindan pakhatah an kalh hnan a, a hnuah a vahnu hi silai nena tinin an pawtchhuak a, an in bula motorah nawr lutin an tlan bo pui niin a sawi a ni.
Police hotu, Shyam Singh-a chuan rinhlelh kai pakhat thu zawhfiah turin an hreng mek tih a sawi a, tun dinhmunah chuan he thil thleng hi politics thil nen inzawmna nei lo nia an hriat thu leh an chhui chian mek thu a sawi bawk a ni.
He thil thleng hian mipui te rilru a \hawng hle a, hmeichhe rukbo hi zawng hmu nghal tura phutin Labhpur police station chu mipuiin an hual a, mipui pungkhawm hian Suri atanga Katwa panna kawng te pawh an dang chat bawk a ni.
