Vote thlak hun tura ruat, tukin dar 7 a\anga tlai dar 4 thleng khan tluang taka vote thlak a ni a, Polling Station lian deuh, tlai dar 4-a vote thlak zawh hman lohnaah te chuan tlai dar 4 hmaa Polling Station area thleng tawhte chu vote thlak zui tir an ni.

Polling Station \henkhata EVM chhiatnaah te chuan EVM thlak a nih hnuah tluang taka vote thlak chhunzawm theih a ni. Mizoram puma vote nei awm zawng zawng 7,70,395 te vote thlak nan hian Polling Station 1,179 siam a ni a, heng zinga 15 te chu Tripura Bru Camp-a Mizoram mi awmte vote thlakna tura Kanhmuna siam lailawk a ni. Heng mite hian Candidate awm zawng zawng 209 a\angin an aiawha roreltu tur an thlang fel ta a, an duhthlanna EVM a chhinchhiah chu December ni 11-ah hawna chhiar a ni ang a, chutah chuan Mizorama kum 5 chhung rorel tura thlan tharte chu a hriat theih tawh dawn a ni.