Vladivostok-a ram hruaitu pahnihte inkawmnaah Kim chuan Russia chu North Korea dinpuitu, a pu Kim Il Sung a thlawp \hintu a nih thu leh tun hma a\angin ram pahnihte hian inkungkaihna \ha an neih thu a sawi a, tun hunah hian a hma aia inkungkaihna nghet zawk an siam theih a beisei thu a sawi a, Putin chuan an inkawmnaah hian Korea ram pahnihte inkar boruak a \hat chhoh zel theihnan Russia-in a puih theih dan a duan tur thu leh sum leh pai lama inkungkaihna \ha zawk siam an tum thu a sawi a ni.
Kim hian United Nations hnenah an ramin ei tur a tlakchham \an mek thu a lo hrilh tawh a, tun hnai hian Russia hian dollar mtd 25 man hu ei leh in tur a lo pe tawh a, an inkawmna hunah hian Moscow chuan an \anpuina hi chhunzawm zel emaw tihpun emaw chungchang an sawi rin a ni. Sum tlachham mek North Korea-in US in an ram chung hrekna a thlak te sut an dil chungchangah pawh Russia hian hrekna hi ti zal turin a lo ngen sak tawh a, mahse US chuan Russia hian US thuneihna Pyongyang hian a pumpel theihnan-a puih tumah a puh a ni.
An inkawmna hunah hian Russia-a inhlawhfa mek North Korea mi 10,000, hrekna vanga kum tawp hmaa ram chhuahsan tura tihte chungchang an sawi rin a ni bawk a ni.
