VK Sasikala leh TTV Dinakran leh midangin dapna-ah I-T ten cheng vbc 1,430 chhehrelh hmuchhuak

Income Tax officer-ten AIADMK hruaitu, lung ina tang mek, VK Sasikala-i leh a laina, TTV Dinakaran leh mi dangte in, tun hnaia vawi engemawzat a dapnaah tangkafai chhehrelh, cheng vbc. 1,430 hmuh a ni a, an dap zawng zawng hi hmun 187 lai a ni a, Sasikala leh a laichin, AIADMK General Secretary hlui, Dinakaran leh Tamil television channel, Jaya TV hmun pawimawhte chu chhiah awl r<k chungchangah nasa takin an da a, chawlhkar khat vel chhungin tangkafai, cheng vbc. 7 leh rangkachak leh tlereuh chi hrang hrang, cheng vbc. 5 hu, lehkha pawimawh leh thil dang tam tak an man b^kah, en zui tur tam tak an la nei a ni. Income Tax mite hian Nilgiris District-a Green Tea Estate pawh an dap a, kum nga vel kal taa Jayalalithaa leh a kutke hnai, V K Sasikala-i lei, thingpui huan, Green Teas estate an tih, ram acre 670-a zau chungchang leh, hemi kaihhnawiha dan bawhchhiatna awm theite pawh an en zui zel a ni.