Vijay Mallya thawn let chungchang thubuai ngaihtuah tan

Pawisa p<k rulh loh chungchanga man tura tih, Vijay Mallya, India rama thawn let dilna chu vawiin khan London-a Westminster Magistrate’s Court-ah ngaihtuah \an a ni. He dilna hi kum thar lama ngaihtuah tura Mallya ukil-te ngenna chu Court hian a lo hnawl tawh a, Court hmaa sorkar ukilte pui turin CBI leh Enforcement Directorate mite tirh an ni a, thubuai ngaihtuah \an dawn lai vel hian kangmei chhuah thulha ralkhel dar tihrik a nih avangin tihkhawtlai a ni a, tlai lam dar 3:30 vel khan ngaihtuah \an a ni chauh a ni. Puan tawh angin, Mallya hian IDBI Bank a\anga a pawisa puk, cheng vbc 900 a rulh duh loh avangin CBI-in thubuai an lo siamsak tawh a, sum chhehrelh avangin SBI-in vbc 6,027 vel a hloh nia sawi avangin amah leh mi dang lakah CBI tho hian thubuai ,dang nikum khan an siam belh leh a, Formula One car intlansiaka-a company, Kingfisher chhinchhiahna tarlang turin US dollar 2,00,000 vel, dan kalhin company pakhatah a pe nia sawi avangin, Enforcement Directorate hian insawifiah turin an lo ko tawh bawk a ni. India sorkar ngen angin Mallya hi April thla khan man a lo ni tawh a, bail-a chhuah a nih hnuah, October thla khan thubuai dangah Enforement Directorate ngenna angin man a ni leh a, bail-a chhuah leh a ni. Mallya chungchang hi Union Minister of state for Home, Kiren Rijiju chuan British sorkara Immigration Minister, Brandon Lewis pawhin an lo sawi dun tawh a ni.