Vice President, M Venkaiah Naidu-a’n House-a hman thin tawngkam siam tha

Vice President, M Venkaiah Naidu chuan Rajya Sabha rorel inkhawm a kaihhruaina hmasa berah House-a \awngkam hman \hin pakhat a siam \ha a, house dawhkana report leh thil pawimawh dahtu, Minister leh member dang-ten ‘House dawhkana dah ka rawn dil e’ an tih \hin chu sap ho awpna hnuaia \awngkam hman \hin a nih avangin, India ram hi tu awpna hnuai maha awm lo, mahni ke-a ding a nih tawh avangin, tun a chinah chuan tuman ‘Ka dil e’ tih hi hmang tawh lovin, ‘House dawhkanah ka dah e’ tih vek tawh tur a ni tih a sawi. Hemi hnu hian a duh dan a sawi chu thup>k ni lovin, ama duh dan a nih thu a sawi nghal a ni. Pu Naidu-a hi sunna thu a chhiar laiin a ding bawk a, a hmaa House Chairman, Hamid Ansari leh Bhairon Singh Shekhawat-a kha chuan \hu chungin an chhiar \hin a, Lok Sabha Speaker, Pi Sumitra Mahajan pawhin sunna thu hi dingin a chhiar \hin a ni. Pu Naidu-a hi August thla khan Vice President atan thlan a ni a, Vice President apiang hi Rajya Sabha Chairman an ni zel a ni.