Mizoram leh hnam himna turin zirna, thiamna, Ruihhlo lak a fihlim leh Rinawmna, thawhrimna hmang beih a ngai tih a sawi a, Mizote chu zirna hmangin hnam dang nekchepin an awm mek a, hemi dolet tura \anlak a \ul hle a ni, a ti. Pu C. Lalsawivunga chuan, Aizawl South I bialtu a nih angin a bial a\anga central leh state service a inziak tlingte chu an senso MLA fund a\anga phuhruk an nih tur thu a sawi a, \halaite chu Central Service-ah a tam thei ang ber inhnimphum tura \anla turin a chah a ni. Pu C. Lalsawivunga chuan, YMA chu pawl thianghlim leh rintlak a nih thu a sawi a, ram leh hnam humhalh a hma an lakna pawh vawnnun zel a pawimawh a, pi leh pu a\anga zonunzemawi chu chhawmnun zel a \ul a ni, a ti.
Venghlui Branch YMA-in YMA Day an lawmna hi an Branch YMA President, Pu Lalkohchhuaha’n a kaihruai a, section hrang hrang te lengkhawm zai hmangin an intihsiak a, an veng chhung a\anga HSLC leh HSSLC pass thar te lawmpuina an pe a, infiamna lama mihming \hate hnenah chawimawina thuziak an hlan bawk.
