Venezuela hian sum lama harsatna tawkin hun khirh tak a tawng mek a, hetihlai hian President nilai Nicolas Maduro leh President lailawk-a inpuang Juan Guaido te chu thuneihna inchuhin an inbei a, Guaido hi an ram chhuahsan lo tura tih a nih laiin, Guaido chuan February leh March thlaah te khan Argentina, Brazil, Colombia, Ecuador leh Paraguay te a tlawh a, court chuan zinchhuah a khapna a bawhchhiat hi behchhana hmangin MP a nih anga dan hmaa hrem theih loh a nihna chu hlihsak a tum thu a puang a ni.
US-in Guaido man lo tura a vauna chu Maduro hian zawm mahse court-in hetianga thu thar a neih takah hian Guaido hi court hmaa thiam loh chantir theih dinhmunah a ding ta a ni.
Puan tawh angin Guaido hi US leh a \anrualpui te’n an thlawp a, Maduro hi Russia, Cuba leh China te’n an thlawp thung a, Venezuela mipuite hian Maduro hi thlawp lo mahse an ram sipai hotute a laka an rinawm avang leh amah \antu Russia sipai 100 rual Venezuelaah hian a thawn luh bawk avangin Guaido aiin thil a ti thei zawk a ni
