US thutlukna vang hian Venezuela President Nicolas Maduro chuan US nena an inkungkaihna zawng zawng a tichat ve nghal a, an rama US sorkar palai awmte pawh darkar 72 chhunga an ram chhuahsan turin a ti a, an ram hruaitu atan US hian an thunun theih mi an duh avangin Guaido hi an thlawp niin a sawi bawk a ni.
Puan tawh angin Venezuala hi a buai hle a, tunhnaia an ram sum dinhmun a tlakchhiat nasat avangin an ram mipuite chuan an inthlan \hat an phut a, hmun hrang hrangah lungawilohna pawh an lantir nasa hle a ni. Nilaini khan Guaido-a kaihhruai hian an ram rorel khawl National Assembly-a eptu pawlte chuan ram pumah Maduro duhlohna lantirin an pungkhawm a ni.
US President Donald Trump chuan Maduro-a sorkarna hnuaiah hian Venezuela mipui te an rethei hle niin a sawi a, US bakah hian Columbia leh ram dang \henkhatte pawhin Guaido hi an thlawp thu an sawi tawh a, ram dangte pawhin thlawp turin US sorkar chuan a nawr mek a ni.
