Zirhonaah hian LAD, Commerce & Industries, Assam Rifles, BSF, DC Office Aizawl, GAD, AMC, I&PR, Police, Pigfed leh Custom aiawh te an tel a, AH & Vety Minister Dr. K. Beichhua chuan, African Swine Fever chu vaccine awmlo leh darh chak em em, ram economy pawh nasa taka nghawng chhe thei a ni a ti a, he natna in Mizoram a thlen lohna turin sorkar department hrang hrang, NGO te leh mipui thawhho \hat hle angai a ni, a ti.
AH & Vety Department Director Dr. Hmarkunga pawh in, African Swine Fever natna kai vawkte chu zaa za in an thihpui tih a sawi a, Mongolia, China, Vietnam, Lao PDR, DPR Korea, Cambodia leh Myanmar ah te a darh mek thu a sawi a, Mizoram a lo luh ve loh nan AH & Vety department leh College of Veterinary Sciences & Animal Husbandry, Selesih ten theihtawp an chhuah tih a sawi a, ram dang a\anga vawk lakluh tur ven kawngah mipuite nen \anrual a ngai a ni a ti.
