Vawiina World Aids Day lo thlengah Mizoram State AIDS Control Society, AIDS Healthcare Foundation leh ZONET \angho bultumin mipuiten Chanmari kawn a\anga Lammual thleng kawng an zawh. Kumin World AIDS Day thupui atan ‘i dinhmun hrechiang ang che’ tih hman a ni a, Lammuala intawhkhawmah hian Aids hrik an pai leh pai loh hriatfiah nan a duh apiangte thisen endik sak nghal an ni.

World Aids Day hi kum 1988 a\ang khan December ni 1-ah hman \hin a ni a, a hmannaah inkhawmah hian Aids natna darh zel lohna tura thil hriat ngaite leh Aids vei enkawl dan te inhrilhhriat a ni a, hemi bakah hian he natna avanga thi te leh harsatna tawkte tuarpuina khawvel pum huapa lantir \hin a ni.

Kum 2016-17 National AIDS Control Organization (NACO) zirchianna-in a tarlan danin Mizorama nu naupai thisen test a\anga za zela 1.19 chu HIV kai an ni tih hmuhchhuah a ni a, nikum chhunga nu naupai HIV kai hmuh chhuah zaa 7.5 a nih laiin kumin January a\anga August inkara thisen endik a\anga nu naupai HIV kai chu za zela 9.4-ah a kai chho a ni.