DC Office tualah mipui \hahnem tak an pungkhawm a, heng mite hian Tripura Bru Camp-a awm mi 500 leh 600 inkar vel Mizoram Electoral Roll-a thun thar tumna awm chu an duh loh thu Bawrhsap, Dr. Arun T. an hrilh a, vawiin chawhnu thlenga an innawr hnuah inremna an nei titih a, DC hian a thu a zuk leh nia sawi a nih avangin mipui an pungkhawm leh a, DC Office darthlalang \henkhat pawh a keh nual a ni.
Hnam hnatlang neih chhung hian dawr zawng zawng, zirnain leh pisa te khar a ni. Hetihlai hian Central Armed Police Force phur tura sorkarin a tirh motor 60 vel, nimin tlaia tlawmngai pawlten Kolasib-a an dan te chu an ngenna angin nizan dar 10 vel khan Aizawl panin an haw leh vek tawh a ni. Hetihlai hian Mizoram pawn a\anga Central Armed Police Force mi lo lut tur ven zui a ni a, Bairabi-ah pawh tlawmngai pawlten kawngpuia motor kalte an vil reng a ni. Kolasib chang ni lo, Bairabi-a lirthei veivak pawh Zampuimanga group YMA hmalakna-in vawiin khan Zophai bulah hnam hnatlang neih a ni a, hetah hian resolution pass-in All NGO Coordination Committee hmalakna an thlawp thu leh CEO chhuak se an duh thu te, Tripura Bru Camp-a inthlanna lam kaihhnawih thil reng reng tih tawh loh ni se an duh thu te an tarlang a ni.
