Pu Lalchamliana hna chanpualte chu Taxation, Home leh Disaster Management Rehabilitation Department-te a ni a, Taxation Department enkawl nana sum ruahman chu Rs. vbch. 24, nuai 69 sing 2 leh sang 4 a ni a, Home Department enkawlna tur sum ruahman chu Rs. vbch. 798, nuai 9, sing 2 leh sang 7 niin,Disaster Management Rehabilitation Department enkawl nana sum ruahman chu Rs. vbch. 27, nuai 44, sing 7 leh sang 7 a ni a, Pu Lalchamliana hna chanpual enkawl nana sum ruahman hi avaiin Rs. vbch. 850, nuai 23, sing 2 leh sang 8 a ni.
Pu Lalchhandama Ralte hna chanpualte chu Printing and Stationery, School Education leh Labour, Employment, Skill Development and Entrepreneurship Department a ni a. Printing and Stationery Department enkawl nan hian Rs. vbch. 16, nuai 98, sing 5 leh sang 5 ruahman a ni a, School Education Department enkawl nan Rs.vbch. 1,328, nuai 42 leh sang 2 leh Employment, Skill Development and Entrepreneurship Department enkawl nan Rs. vbch. 47, nuai 59, sing 1 leh sang 4 ruahman a ni. Pu Lalchhandama Ralte hna chanpual enkawl nana sum ruahman hi avaiin Rs. vbch 1,392, nuai 99, sing 7 leh sang 1 a ni.
Pu TJ Lalnuntluanga hna chanpualte chu Law & Juducial, Parliamentary Affairs, Environment, Forest and Climate Change leh Transport Department a ni a. Law & Juducial Department enkawl nan hian Rs. vbch. 27, nuai 89, sing 2 leh sang 7 ruahman a ni a, Parliamentary Affairs Department enkawl nan Rs.vbch. 1, nuai 5, sing 9 leh sang 1, Environment, Forest and Climate Change Department enkawl nan Rs. vbch. 160, nuai 7, sing 2 leh sang 8 leh Transport Department enkawl nan Rs. vbch. 50, nuai 31 leh sang 8 ruahman a ni. Pu TJ Lalnuntluanga hna chanpual enkawl nana sum ruahman hi avaiin Rs. vbch 239, nuai 33, sing 5 leh sang 4 a ni.
Naktukah chuan chawhma dar 10:30-ah \hutkhawm hi chhunzawm leh a ni dawn a, hun hmasa darkar 1 chhung chu zawhna leh chhanna hun hman a ni ang a, hemi hnu hian Minister pahnih, Pu R. Lalzirliana leh Pu Lalruatkima Department enkawlna tur sum ruahmante sawi hova Pass tum a ni ang.
