Pu R. Lalzirliana hna chanpualte chu Art and Culture, District Council and Minority Affairs, Land Resources, Soil and Water Conservation leh Power and Electricity Department-te a ni a, Art and Culture Department enkawl nana sum ruahman chu Rs. vbch. 12, nuai 57 sing 5 leh sang 5 a ni a, District Council and Minority Affairs Department enkawlna tur sum ruahman chu Rs. vbch. 401, nuai 6, sing 8 leh sang 7 niin, Land Resources, Soil and Water Conservation Department enkawl nana sum ruahman chu Rs. vbch. 19, nuai 58, sing 1 leh sang 4 a ni a, Power and Electricity Department enkawl nana sum ruahman chu Rs. vbch. 567, nuai 39 sing 1 leh sang 3 a ni a, Pu R. Lalzirliana hna chanpual enkawl nana sum ruahman hi avaiin Rs. vbch. 1,000, nuai 61, sing 6 leh sang 9 a ni.
Pu Lalruatkima hna chanpualte chu Land Revenue and Settlement, Information and Public Relations leh Rural Development Department a ni a. Land Revenue and Settlement Department enkawl nan hian Rs. vbch. 40, nuai 84 leh sing 5 ruahman a ni a, Information and Public Relations Department enkawl nan Rs. vbch. 15, nuai 26, sing 3 leh sang 7 leh Rural Development Department enkawl nan Rs. vbch. 397, nuai 62, sing 9 ruahman a ni. Pu Lalruatkima hna chanpual enkawl nana sum ruahman hi avaiin Rs. vbch 453, nuai 73, sing 8 leh sang 6 a ni.
Naktukah chuan chawhma dar 10:30-ah \hutkhawm hi chhunzawm leh a ni dawn a, hun hmasa darkar 1 chhung chu zawhna leh chhanna hun hman a ni ang a, hemi hnu hian Chief Minister, Pu Zoramthanga bakah Minister, Pu Robert Romawia Royte Department enkawlna tur sum ruahmante sawi hova Pass tum a ni ang.
