Vawiin tlai dar 4 vel khan Sihphirah thlipui a tleh a, hei hian an khuaa Urban Primary Health Center chung rangva a la a, he damdawi in hi nasa takin a sawp chhia a ni.

ZONET zawhna chhangin Sihphir Branch YMA President, Pu R. Lalduhzuala chuan thlipuiin an khaw damdawi in chung a hlih lai hian vanneithlak takin damdawi inah damlo an awm lo niin a sawi a, rangva leh hmanraw dang thlipuiin a len darh leh theih tur chi te chu YMA hruizen hmangin an phuar a, chak taka thli a la thawt zui zel avangin hnatlanga senghawi hna thawh a la ni lova, thlipui reh hun naktuk lama thawh atan an dah a ni. He thlipui tleh vang hian hliam an awm lo a ni.