Vawiin tlai dar 4-a vote thlak zawh anih veleh inthlanna atana hman Electronic Voting Machine leh vote tlak dan chhinchhiahna VVPAT te hi Polling Station hrang hranga duty Polling Party te chuan kharin an seal nghal a, hemi hnu hian muang chang lovin District khawpui \heuha vote chhiarna tur hmuna Strong Room-a dahluh turin an rawn la let a, a dawngtu tura ruat ten lo dawnga an chhinchhiah fel hnuah Strong Room-ah dah luh zui nghal a ni.

Polling Party tam zawk chuan EVM leh VVPAT te hi zanin hian Strong Room-ah an thehluh hman beisei a ni a, Chief Electoral Officer, Pu Ashish Kundra chuan Zonet zawhna chhangin hmun \henkhatah Polling Station hla zual leh kal harsa tak tak a awm avangin hmuh kim theih hun tura beisei chu naktuk chhun lai vel niin a sawi a ni. District Hqrs. hrang hrang Strong Room-a EVM dahluh te hi tih dan pangngaiin Para Military Force leh Mizoram Police ten an ven thuah ang a, vote chhiar ni tura ruat December ni 11 thleng him takin an veng dawn a ni.