Member thi sun te hi Pu Chawngzuala leh Pu S. Laldingliana te an ni a, Prime Minister hlui thi sun chu Pu Atal Bihari Vajpayee a ni. Heng mite uihawm zia leh an sun zia sawi hmasa bertu House Leader, Pu Zoramthanga chuan Prime Minister, Pu Atal Bihari Vajpayee chu kumin August ni 16 tlai dar 5:05 khan kum 93 mi niin kal \ha lo vangin All India Institute of Medical Science New Delhi-ah a thi ti a tarlang a, \um 10 Lok Sabha member atan thlantlin a nih thu te, \um thum Prime Minister hna a chelh tawh thu te sawiin, Prime Minister a nih laiin Mizoram tan leh hmarchhak bial tan hmasawnna tur thil pawimawh tak tak a ti tih a tarlang a ni. Pu Zoramthanga chuan MLA hlui Pu Chawngzuala chu kumin August ni 23, tlai dar 5 khan kum 80 mi niin a thi tih a tarlang a, Intermediate of Arts a zir zawh hnuah kum 1966 khan MNF zawmin ramhnuaiah kum 20 a awm a, chumi chhung chuan dinhmun pawimawh hrang hrang, MNF President leh Vice President hna te thlengin a thawk a, kum 1987-a Mizoram State Assembly inthlanna neih hmasak berah MNF ticketin Aizawl South II bialah thlan tlin a ni a, Planning Board Vice Chairman-ah dah a ni tih te, a hnuah MIFCO Chairman dah a nih thu te a sawi a, a \hat lai hun zawng zawng ram tana hmang zo a ni tih a sawi a ni. Pu S. Laldingliana chanchin sawiin Pu Zoramthanga chuan Pu S. Laldingliana hi kumin November ni 3, zing dar 6:45 khan chaw kawng cancer vangin kum 64 mi niin a thi tih a tarlang a, Hnahthial College dintute zing a mi a nih thu te, hemi hnu kum 1982 a\anga Lunglei Govt. College-a Lecturer hna a thawh thu leh kum 2008-a Politics a zawm hnuah Lunglei South Bial a\angin Congress ticket-in MLA atan thlantlin a nih thu te, Parliamentary Secretary-ah dah a nih thu te leh kum 2013-a inthlannaah he bial a\ang bawk hian Congress ticket-a thlantlin a nih thu te, a thih ni thlengin Lunglei District High Power Committee Vice Chairman hna a chelh thu te a sawi a, YMA-ah khawtlang tana nasa taka inhmang mi a ni tih a tarlang bawk. Heng mite s<nna inkhawmah hian ZPM Group Leader, Pu Lalduhoma, Congress Group Leader, Pu Zodintluanga, BJP member awmchhun, Dr. BD Chakma Deputy Chief Minister, Pu Tawnluia, Dr. R. Lalthangliana leh member dang \henkhatin an ui thu an sawi bawk a ni.
