Vawiin session-ah MNF in zalenna an sual leh sual loh thu sawi chhuah a ni.
MNF member \henkhatin House Leader, Pu Lal Thanhawla chu MNF-in zalenna a sual lo nia a sawi \hin sawi tawh lo tura an ngen chungchangah Pu Lal Thanhawla chuan a thil hriat leh tawn, thudik tluantling nia a hriat te a sawi a. Sinlung Hill Council Bill, 2018 sawihonaa opposition member \henkhat thusawite chhangin Pu Lal Thanhawla chuan MNF zingah zalenna sual leh sual lo an awm niin a sawi a, kum 1966, February ni 28 zan khan Aizawl, Lunglei, Champhai, Tuipang leh Sangauvah te Assam Rifles post leh Treasury lak vek tum a ni a, amaherawhchu, kha mi zana Rev. Sakhawliana ina Senate \hutkhawmnaah khan an hotupa ber chuan zan dar 10-ah an thil tum \hulh a duh thu a sawi a, mahse inbiakpawhna hmanraw \ha a awm si loh avangin hotupa ber duh dan ang lovin ram a buai ta niin a sawi a, chuvangin volunteer te chuan zalenna an sual a, chutihlaiin a sual lo pawh an awm niin a sawi.
Vawiin session hi chawhnu dar 3:24 khan naktuka chhunzawm leh turin Speaker Pu Hiphei chuan a titawp a, naktuka session chhunzawm leh a nih hun chuan sorkar thil pawimawh chi hnih ngaihtuah a ni ang a, hun hmasaah lehkha pawimawh leh report te House-ah pharh a ni ang a, chumi hnuah sorkar laipuiin Citizenship Amendment Bill, 2016 siam a tum duh loh entirna tur official resolution Home Minister, Pu R. Lalzirliana putluh tur sawihova pass tum a ni ang a, chumi hnuah Finance Minister, Pu Lalsawta putluh tur, The Mizoram Public Demand Recovery (Amendment) Bill, 2018 sawihova pass tum a ni ang. Heti chin hi tun \um Session-a thil tih tur Business Advisory-in a ruahman chin a ni.
