Vawiin session-ah dan thar siamna tur bill pakhat leh dan dinglai siam\hatna tur bill pahnih sawiho a nih hnuah lungrual taka pass a ni. Chite lui tui tih bawlhhlawh venna tur dan thar siamna tur bill, The Chite Lui (Prevention & Control of Water Pollution) Bill, 2018, Chief Minister, Pu Lal Thanhawla, Environment, Forest & Climate Change Deptt. changtu-in a put luh chu sawifiahin Chief Minister chuan he dan thar siam turah hian Chite lui hnar Bawngkawn a\anga in\anin Chite lui dung tluan, Tuirial a finna thlenga tihbawlhlawh veng tura \ha taka humhalh a nih theih nan lui kam tawn tawn meter 50 huam chhungah bawlhhlawh, ran thi, damdawi in thli, lei vung leh tui tibawlhhlawh thei thildang paih phal a nih dawn loh thu a sawi a, he dan thar siam tur hi Environment, Forest & Climate Change Deptt. hnuaiah Save Chite Lui Coordination Committee-in a kengkawh dawn niin a sawi a ni. He dan thar siam tum chungchang sawihonaa oppisition member thusawitute chuan lui kam tawn tawn meter 50 huam chhung humhalh tur chuan a chhehvela chengte tan harsatna leh buaina a thlen theih an rin thu te, a hremna dan siama dan bawhchhia thla thum chhung lung in tan leh Rs.1,000/- chawitir theih tur leh bawhchhe nawn leh te Rs.10,000/- thlenga chawitir theih tur te, hremna pek dan chu dan bawhchhetu sensovin nitin chanchinbuah ni thum chhung a zawna chhuah tur tih te chu na lutuk deuha an hriat thu te an sawi a, opposition MNF group leader, Pu Vanlalzawma chuan Chite lui tih mai chu a tawk lova, Chite luia bawlhhlawh luan luhna tam ber chu Chite lui fintu lui hrang hranga bawlhhlawh paih khawm a nih avangin he dan siam tum hi \ha zawk leh felfai zawka siam nan Select Committee-ah thawn a rawt a ni. Rorellai pawl member thusawitute chuan Chite lui humhalh leh tui bawlhhlawh lohna tura hmalak te, a chhehvel ramngaw humhalhte chu thil \ul leh hmanhmawh thlak a ni tih sawiin, he bill hi pass ngei an rawt a ni. He bill pass tak hi hman a nih hunah a hranpaa sum sen a ngai dawn lo nia tarlan a ni bawk. Hemi hnu hian Finance Minister, Pu Lalsawta put luh, The Mizoram Protection of Interests of Depositors (In Financial Establishment) (Second Amendment) Bill, 2018 pawh sawiho a nih hnuah lungrual taka pass a ni. Bill put luh paha a thil tum te sawifiahin Finance Minister, Pu Lalsawta chuan he bill hi Reserved Bank of India-in Model Protection of Interest of Depositors Act a siam anga put luh a nih thu sawi hmasa-in, Mizoram mipuite chu sorkarin a pawmpui leh thuneihna a hman theihna, Financial Establishment hnuaia mi Scheduled Bank-ah ngei pawisa dah lut \hin turin mipuite a chah a, tun hmalama’Chiahpuam’ tia hriat ang chi mimalin emaw, pawlin emaw a pung awma pawisa dahna an siam ang chi kha hmang tawh lova, sorkar pawmpui Scheduled Bank-ah ngei an pawisa an dah loh chuan a dik lova thil ti tuten harsatna an siamin sorkar tan pawisa dah lut tute chhan ngaihna leh dan bawhchhetute hrem ngaihna a awm lo niin a sawi bawk. He bill sawihonaah hian rorellai pawl member te chuan he dan siam tum hi Bank-a sum dahluttute himna tur leh thil \ha zawk tur a ni tih sawiin an thlawp a, MNF member, Pu Lalruatkima chuan tun hmalama chiahpuam tia hriatah khan chhungkaw 5,600 vel bum an nih thu te, an sum dah luh tun thlenga an la hmuh loh chu Rs.4,33,00,80,000/- vel a nih thu te, a sawi chhuak a ni. He dan thar hi hman a nih hunah a hranpaa sum senna a awm dawn lo niin tarlan a ni. Vawiina bill pass hnuhnun ber, The Mizoram Salaries, Allowances & Pension of Members of The Legislative Assembly (Sixth Amendment) Bill, 2018 thil tum bill pu luttu, Parliamentary Affairs Minister, Pu R. Romawia’n a sawifiah a, Mizoram Assembly-a MLA 40 ten Personal Assistant pakhat \heuh an rawih hlawh atan thla tin Rs.10,000/- pek \hin a ni a, thil man to zelah hei hi a tlem ta deuh nia hriat a nih avangin PA te thla tin hlawh hi Rs.20,000/- ni tura tihsan rawt a ni tih a tarlang a, hemi hnu hian he bill hi sawiho loha pass a ni ta a ni.
