National Girl Child Day-ah hian “Beti Bachao Beti Padhao” scheme siam champha lawmna hun buatsaih nghal a ni a, Women and Child Development Minister Maneka Gandhi chu khuallian atan hman a ni a, an thupui chu “Empowering Girls for a Brighter Tomorrow” niin hmeichhe naupang te’n hmabak \ha zawk an neih theih nan-a enkawl leh chawinun lam hawi a ni.
Pi Gandhi chuan state panga Principal Secretary te leh Commissioner te hnenah “Beti Bachao Beti Padhao” an kalpui \hat vanga chawimawina a hlan a, State leh Union Territory hrang hranga District Magistrate leh Deputy Commisioner 25 hnenah pawh chawimawina hi a hlan tel bawk a ni.
“Beti Bachao Beti Padhao” hi Jan 2015 khan Panipat, Haryana-ah PM Narendra Modi-a’n a hawng a, ram chhunga hmeichhe naupang zat leh mipa naupang zat inthlau lutuk tur venna leh hmeichhe naupangte dinhmun chawisanna atana ruahman a ni a, nikum khan Modi hian ram chhunga district zawng zawng-a hman atan he scheme hi a huang a zauh bawk a ni.
