Inthlan hi Uttar Pradesh-a bial 14, Rajasthan-a bial 12, Madhya Pradesh leh West Bengal-a bial 7 ve ve, Bihar-a bial 5, Jharkhand-a bial 4-ah leh Jammu and Kashmir-a Anantnag leh Ladakh bial, Puwama leh Shopian district-ah te neih a ni a, zing dar 7 a\angin tlai dar 6 thleng vote thlak hun hawn a ni.
Madhya Pradesh-ah EVM khawl chiang lo report a ni a, West Bengal-a Barrackpore biala ding BJP candidate chuan zingah Trinamool Congress te’n tharum thawhin an tibuai niin a sawi a, Jammu and Kashmir-a Pulwama-ah polling booth pakhatah grenade tihpuah a ni a, thi leh hliam erawh an awm lo a ni.
Jharkhand-a Hazaribagh-ah nu pakhat kum 105-a upa chu vote a thlak ve theih nan a fapa-in polling booth thleng a pawm a, Madhya Pradesh-a Chhatarpur-ah mi pakhat chu a pa a vui liam zawh veleh vote thlak turin polling station-ah a kal bawk a ni.
Tun inthlan-ah hian Uttar Pradesh-a Congress President Rahul Gandhi dinna bial Amethi, UPA chairperson Sonia Gandhi dinna bial Raebareli leh BJP hotu Rajnath Singh-a dinna bial Lucknow te’n ngaihven an hlawh hle a, heng party hotute an tlin leh tlin loh chu inthlan result puan ni tun thla ni 23-ah hriat a ni dawn a ni.
