Kum 85 mi Akihito hian kawrfual uk leh lukhum dum khumin a ban thu hi a thlahtute leh lal in-a hmun thianghlima an pathiante hmaah a puang a, lal nihna chhinchhiahna ngunhnam leh lal lunghlu awmna “Room of Pine”-ah a nihna a\ang bang tura thil tih ngaite a ti fel a ni. Lal anga a thusawi hnuhnung berah hian Japan mipuite chu lawmthu a hrilh a, Japan leh khawvel puma muanna leh hlimna a thlen theih nan a \awng\ai tur thu a sawi bawk a ni. He hun hi Prime Minister Shinzo Abe leh Lal chhugkuate tiamin mi 300 velin an chhim a, lal in pawnah mipui an pungkhawm bawk a ni. Zan dar 12-a Naruhito-a’n lal nihna a chelh hma chu Akihito hian lal nihna hi a la chelh rih dawn a ni.
Kum 59 mi Naruhito hian minute 10 chhung lal nihna a chelh theih nana a thil tih turte a tih zawhah, a lal hun chhung “Reiwa” era chu a \an dawn a, Japan lal 126-na anih angin mipui hmaah thu a sawi ang. October ni 22 khian mipui hmaah lal \hutthleng luahna hun hman a ni dawn a, he hun hi hmang turin ramdang hruaitute pawh sawm an ni.
Lal thar lawmnan hian Japan-ah ni 10 chhung chawlh puan a ni.
