Baktawng Higher Secondary School naupang te, an zirtirtute hova Tuirivang Phulpui ram, rangtla hmun an tih hmuna an intihlim chu an zinga zirlai pathum tuiah chesualin an thi a, mitthi te hi pawl 12 zirlai pahnih Vanlalhruaii, Pu Lalramsanga fanu Baktawng Venghlun leh Lalthanzauva, Pu Ramfangzaua fapa Baktawng Dawr veng leh pawl 11 zirlai Lalthanfela, Pu Rosangpuia fapa Baktawng Venghlun te an ni. An chetsual thu hriat a nih veleh Phulpui khawtlang hruaitute leh Baktawng khawtlang hruaituten an chetsualna hmun Turivang hi pan phawmin ruang zawng hna thawh nghal a ni a, ruang te hi hmuh kim an nih hnuah vawiin tlai lam khan Phulpui thlenpui an ni a, Phulpui a\ang hian an khua Baktawng panpui an ni ang tih Baktawng Dawr veng YMA Branch Secretary Pu Lalnuntluanga chuan Zonet zawhna chhangin a sawi. Phulpui-a ruang thlenpui anih lai hian Tuikum bialtu MLA, Dy Speaker Pu Lalrinawma’n lo dawngsawngin ruahmanna siam ngaite a siamfel pui a ni.
Hetihlai hian vawiin vek khan Kefang naupang kum 11 mi Lallianmawia, Pu Josepha-a fapa, Keifang Nazareth Veng chu lirtheia an chuannaah chesualin ka pawh chhawn lovin a thi a, Lallianmawia hi Keifang M/S-I a Class V zirlai a ni a, chawhma dar 10:30 vel khan |amdil-ah an zirtirtute nen thing \iak la-in an kal a, an chuanna pick up truck chung zawlah chuangin |amdil Forest Plantation Gate chu a lu in a tauh palh a, ka pawh chhawn lovin a thi a ni.
