Congress President, Sonia Gandhi chuan Modi chu hriselna \ha tak nei tur te, hlim taka a hun hmang a, rei tak dam turin duhsakna a hlan a, West Bengal Chief Minister, Mamata Banerjee, Delhi Chief Minister, Arvind Kejriwal leh Bihar-a a thawhpui, Nitish Kumar te pawhin duhsakna an hlan a ni.
Modi chuan a piancham lawm nan a pianna state Gujarat-a Statue of Unity leh Narmada luia Sardar Sarovar tuikhuah a tlawh a, tuikhuah bula mipui pungkhawmte hmaah hmasawnna hnathawh hrang hrang sawiin chung zingah chuan Narmada luia lawng hmanga infiamna siam te, ram hnuaia ualau taka ramsa hmuh theiha dahna tur park siam te, phengphelep dah khawmna tur park leh Ekta nursery siam te a tel a ni. Hemi hnu hian Khalvani Eco Tourism hmun a tlawh leh bawk.
BJP party chuan Prime Minister birthday hi tun thla ni 14 a\ang khan an lawm \an a, service week tih vuahin he hapta hman chhung hian state tina BJP hruaitute chu vantlanga tan thil \ha pakhat tal tih tum \heuh turin an inchah a ni.
