A lawmna pui ber New Delhi-ah chuan PM Narendra Modi-a’n kum 1971-a India leh Pakistan indo \uma sipai thite hriatrengna hmun, Amar Jawna Jyoti-ah pangpar \hi a dah a, President Ram Nath Kovind pawhin mi firfiakte kuta thi, Lance Naik Nazir Ahmad Wani-a nupui kutah indona awm loh laia sipaite hnena chawimawina pek theih sang ber, Ashoka Chakra a hlan a, laipui kapchhuaka chibai bukna 21 gun salute neih a nih hnuah, ram puanzar a pawt pharh a ni.
Republic Day lawmna inkhawmah hian khuallian South Africa President Ramaphosa chuan India leh South Africa chu hman a\anga inkungkaihna \ha tak nei an nih thu leh India ram a tlawh thei chu lawmawm a tih thu a sawi a, nimin lamah khan Modi nen ram pahinih inkara sumdawnna huang zauhna atan India-South Africa Business Forum chu an lo hmanpui tawh a ni.
Rajpathah hian ram hruaitu hlun an tel \hahnem hle a, Home Minister Rajnath Singh, External Affairs Minsiter Sushma Swaraj te bakah PM hlui Manmohan Singh leh Deve Gowdate, Congress hruaitu Rahul Gandhi leh Ghulam Nabi Azad leh Delhi CM Arvind Kejriwal te pawh an tel a ni.
