Vawiin hi Mizorama missionary hmasa pahnih – Rev. JH Lorrain (Pu Buanga) leh Rev. FW Savidge (Sap Upa)-in Mizoram leilung an rah \an ni, Missionary Day a ni a, Mizorama Baptist Kohhran chuan awmni khamin an lawm.

BCM Headquarters chuan he ni hi uar taka hmang turin tualchhung Kohhran hrang hrangte a hriattir a, chawhma dar 10-ah inkhawm \anin, Headquarters a\anga thupui thlan sa, “Chanchin Tha hi kan damna a ni’ tih hmangin Pathian thuchah an ngaithla a. Chawhnu lam chu tualchhung kohhrante remchan dan a hman a nih hnuah, zan inkhawmah ‘Thu hretu ni tûra koh’ tih thupuiah an hmang a ni. BCM Kohhran tam tak chuan Missionnary Day hi ruai nen an lawm a ni.

British mi hausa, Robert Arthington-a’n Missionary a rawn tirh pahnih, Rev. James Herbert Lorrain, Pu Buanga leh Rev. Frederick William Savidge, Sap upa te hian kum 1894, January ni 11-ah Changsil kai an lo thleng a ni.