President Ram Nath Kovind chuan Mahatma Gandhi chu tun thlenga ram tana khawnvar a la nih reng thu leh a thil tum, remna leh muanna bakah ram hmawsawnna-te chu a la chhawrtlak reng a ni a ti a, hemi kawnga mipuite inpek nasat lehzual \ha a tih thu a sawi a ni.
PM Narendra Modi pawhin Mahatma Gandhi chu ram tan chauh pawh ni lo khawvel huap pawha mi entawntlak leh midangte tichaktu a ni a ti a, hnathawk nasa tak leh midangte tana a nun hlantu a ni a ti bawk.
Mahatma Gandhi hriatrengna hmunah hian hunserh buatsaih a ni a, sakhaw hrang hrang – Bhuddhist, Bahai, Kristian, Hindu, Islam, Jain, Juda, Parsi leh Sikh puithiamte minute li vel \heuh an \awng\ai a ni.
Gandhi puala hun hmanna-ah hian ram dang palai leh eptu lam party mi pawh an tam hle a, Congress President Rahul Gandhi leh a nu, Sonia Gandhi-te chu a thleng hmasa pawl an ni a, an pahnih hian Wardha-ah Congress Working Committee-ah an kal a ngaih vangin an awm rei hman lo hle a, Delhi CM Arvind Kejriwal leh a Deputy Manish Sisodia te pawhin Rajghat-ah hian pangpar nen Mahatma Gandhi chibai an buk ve bawk a ni.
