PM Narendra Modi chuan zing lamah khan ram mipuite Diwali chibai a buk a, Uttarakhand Kedarnath-a Shiva temple-a \awng\aina a hlan hnuah, Harsil-a India leh China ramri hrula sipaite awmte tlawh leh a ni. Sipaite Diwali chibai bukna a hlan pah hian Modi chuan sorkar laipuiin ram venhimna tihchangtlun kawnga hna a thawh dan-te leh sipai bang ham\hatna an siam sak dante, ram sipaite chu khawvel huap pawha ngaihsan an nih thu te a sawi tel bawk a ni.
India-a cham mek, South Korea President Moon Jae-in-a nupui, Kim Jung-sook chuan vawiin khan Uttar Pradesh Ayodha-ah Diwali a hmang ve a, State CM Yogi Adityanath-a’n a lo mikhual a ni.
South Korea First Lady hian Lucknow a\angin dar 2:30 vel khan Ayodhya hi a pan a, Queen Heo Memorial a tlawh hnuah, Ram Ki Paidi-ah Diwali inkhawmna a hmanpui a, India leh Korea thawhdunna \ha a awm chu a lawm thu leh hun lo awm zel tura ram pahnih inkar a \hat zel theihna atan \awng\ai a tum thu te leh Diwali hmang tura PM Narendra Modi-a’n a sawm chu a lawm thu te a sawi bawk a ni. Kim Jung-sook hian Saree a kaih a, hei hi Modi chuan a thlalak Twitter-ah pholangin a lawm thu a sawi ve bawk a ni.
Uttar Pradesh-a Diwali lawmna-ah leirawhchana siam khawnvar 301,152 chhit a ni a, hei hi World Record a ni.
Khawnvar hi Saryu lui kama Ram Ki Paidi-ah chhit a ni a, Ram Ki Paidi hi Haridwar-a Har Ki Paidi anga chei chhoh a nih bakah feet 30-a sang Hindu pathian Ram-a lem din a nih tur thu State CM Yogi Adityanath chuan a sawi a ni.
