Covid-19 vei tamna ber Maharastra-ah mi 45 an tling tawh a, Kerala-in dawtin mi 27-in an kai a, Haryana leh Uttar Pradesh-ah mi 17 ve ve, Karnataka-ah mi 14, Delhi-ah mi 12, Ladakh-ah mi 8, Rajasthan-ah mi 7, Telangana-ah mi 6, Jammu and Kashmir-ah mi 4, Tamil Nadu-ah mi 2, Uttarakhand, Andra Pradesh, Chandigarh, Punjab, Pondicherry, Odisha leh West Bengal-ah te mi 1 \heuhin an kai tawh bawk.
Hetihlai hian Railways chuan naktuk, Zirtawpni a\anga tun thla ni 31 thleng rel 84 chuang a chawlhtir dawn a ni.
Railway chuan passenger an neih mumal tawh loh vang leh coronavirus \aidarh zel tur laka an him nan rel te chu a chawlh lailawk tir dawn tih a sawi a, hetihlai hian rel chawlhtir tawh zawng zawng chu 155 a tling tawh a, Nilaini zan khan national transporter chuan rel 99 a lo chawlhtir tawh bawk.
Assam mi, Kerala-a zin Covid-19 vei nia rinhlelh chu Kerala-a an khunghranna hmun a\angin a tlanbova, police leh Indian Railways-in a huhova zawn beihpui an thlak hnuah Assam lam pana a chuanna relah an hmu a, an khung hrang nghal a ni.
