A sunna thusawitu House Leader, Pu Zoramthanga chuan, Pu Thankima chu pa \ha tak leh midang pawisa hlau, a chenpui apiangte ngainat a ni, a ti a. Ram rawng a bawl chhung pawhin thianghlim leh dik taka thawk \hin a ni tih sawiin, a ni mi \ha tak an chan ta mai chu channa ropui tak a ni a, a kalsan a chhungte zawng zawng an tawrpui hle tih a sawi.
Opposition Group Leader, Pu Zodintluanga Ralte pawhin, Mizoram Legislative Assembly 8-naah rei lote chhunga an member hlui mi 4 lai an sun ta chu pawi a tih thu a sawi a. Pu Thankima chu an hun lai hre ve phak chiah lo mah se, hruaitu hmasa leh ram tana theihtawp lo chhuah tawhtute chu mi ngaihsan awm tak a ni tih a sawi.
Dy. Speaker, Pu Tawnluia pawhin, Pu Thankima sun a lo ngai ta chu vanduai thlak a tih thu a sawi a. MNF-in zalenna a sual laiin ram hnuaiah hun engemaw chen an lo inzui tawh \hin a, an zinga a awm ta lo chu pawi a tih thu a sawi a. ZPM member, Pu Lalduhoma pawhin, Pu Thankima chu ramin zalenna a neih theih nana a tih theih zawng zawng hlantu a nih thu a sawi.
Pu Thankima hi kum 1930, March ni 15-ah Sialsuk khuaah a lo piang a, kum 1952-a Matrict a pass hnuah kum 1954-ah Indian Navy-ah a lut a. Kum 1964 kum tawp lamah MNF zawmin, zalenna sualtu zingah a tel a, MNF hruaitu hlun tak a ni. Ramhnuai sorkar-ah Supply Minister a ni \hin a. Remna awm hnuah MNF Party Treasurer a ni a, remna thuthlung anga State puitlinga Mizoram hlankai a nih hnua inthlan hmasa berah khan khatih laia MNF President, Pu Laldenga chu bial pahnih-a a tlin avangin a bial chhuahsan Sateek bialah Bye-election-a thlan tlin a ni a, MLA a nih lai kum 1987 a\anga 1988 chhung khan Apex Bank Chairman a ni. Kumin September thlatir lam a\ang khan a damlo \an a, enkawl a nih hnuah Cancer natna a vei tih hmuhchhuah a ni a, hemi hnu hian theih ang anga enkawl zui ni mah se, October ni 5, zing dar 9:45 khan a thi a ni. Vawiina a mah sunnaah hian member-te chu ngawi rengin Minute khat chhung an ding a ni.
