Khaw tina mi chengte chhinchhiah felna tur, The Mizoram Maintenance of Household Registers Bill, 2019 puluttu House Leader, Pu Zoramthanga chuan, \henawm ram a\anga Mizorama dan lova lo lutte chu kum tam tak Mizote tan buaina thlentu an nih tawh avangin ramri a chengte chhinchhiah chu dan lova Mizorama lo lutte zawn chhuahna kawng awlsam tak a nih dawn avangin he dan thar hi duan a ni tih a sawi a. Hei hi \ha taka kalpui a nih chuan dan lova lo lutten Mizoram khua leh tui dik takte chanvo an chhuhsak \hin pawh veng thei tura ngaih a ni a, hemi piah lamah hian vemhimna pawh awlsam leh khauh zawka kalpui a nih theih beisei a ni tih sawiin, hei hi sorkar laipui pawhin a ngai pawimawh a, Supreme Court pawhin ram dang a\anga dan lova lo lutte chuan mipui tan harsatna an siam thu leh dan leh thupek kenkawh thlenga harsatna a thlen phah avangin dan lova lo pem lutte tihtawp an nih theih nan hmalak \ha a ti a, hemi chungchanga Court-a thubuai kal mek chu tih khawtlai rih ni mah se, National Register of Indian Citizens leh Multipurpose National Identity Cards hmanga ram mipuite chhinchhiah an nih angin he dan thar hmang hian Mizoram khua leh tui dik takte chhinchhiah an ni dawn a, hemi atan hian sum hman belh ngai zat tur chhutchhuah la ni chiah lo mah se, sum tam tak sen ngai lo tura beisei a ni tih Pu Zoramthanga chuan a sawi.
Lirthei chhiah petuten duh thlanna zau zawk an neih theihna tur dan, The Mizoram Motor Vihicle (Taxation) Amendment) Bill, 2019 puluttu, Transport Minister, Pu TJ Lalnuntluanga chuan, he Bill hi lirthei neitute a\ang chhiah lak siam\hat rawtna a ni tih sawiin, tuna dan hmanlai anga lirthei zawng zawng tana \um khata Road Tax kum 15 chhung pek tlak nghal chu mipui phurrit a ni, ti a. Ruahmanna an siam dan chuan lirthei neituten an duh an thlan theih turin Raod Tax chu \um khata kum 15 atan pe tla nghal lovin duhthlan tur chi 3- kum 5, kum 10 leh kum 15 thlan theih a ni dawn a, hei hian mipui phurrit pawh nasa taka a chhawk zangkhai beisei a ni, a ti.
Heng bakah hian Chief Minister putluh, The Mizoram State Legialature Members (Removal of Disqualification) Amendment) Bill, 2019-te, Taxation Minister, Pu Lalchamliana putluh The Mizoram Essential Services Maitenance (Amendment) Bill, 2019 leh Environment Forest and Climate Changge Minister, Pu TJ Lalnuntluanga putluh The Mizoram Forest Act (Amendment) Bill, 2019 te pawh lungrual taka pass a ni.
Bill panga te pass anih hnu chawhnu dar 3:12 khan Speaker, Pu Lalrinliana Sailo-in naktuka chhunzawm leh turin rorel inkhawm a ti tawp a, Naktuk thawhlehniah chuan Session hi a hun ngai chawhma dar 10:30-ah chhunzawm leh a ni ang a, hetah hian zawhna leh chhannaa hun hmang lovin House Leader, Finance Minister nibawk, Pu Zoramthanga’n sorkar kum kal mek 2018-19 chhunga sorkar sum indaih lohna phuhrukna tur, Supplementary Demands for the Year 2018-19 bakah sorkar kum thar kum 2019-20 a sum ruahman lailawk chu Vote on Accounts hmangin a pharh dawn a ni.
