He film hi Omung Kumar-a siam a ni a, Narendra Modi lemah hian lemchan thiam Vivek Oberoi a chang a, a film tlangpui tar chhuahna trailer phochhuah a nih hnuah mipuite ngaihven a hlawh nasa hle a, vawi mtd chuang entu an awm tawh a ni.
Congress Party chuan he film chhuah hun hi Lok Sabha inthlan hun a hnaih tawh avangin Model Code of Conduct bawhchhiatna a ni tiin Election Commission hnenah an zualko a, Censor Board hotu Prasoon Joshi chuan he film hi dik taka kalpui a nih leh nih loh chungchang zawhna tam tak karah he film hi dan ang thlapa zirchian a nih thu leh endikna hi la kalpui mek a nih thu a sawi a, he film siamtute chuan Ningani khan fim chhuah hun hi tihkhawtlai a nih thu leh a chhuah hun tur sawi theih a nih rih loh thu an sawi a ni.
