Cardinal George Pell hian kum 13 mi zaipawl-a tel mipa naupang pahnih chu kum 1996 December thla leh kum 1997 February thla khan St. Patrick’s Cathedral-a Pathian biak inkhawm a huaihawt hnuah mipat hmeichhiatna lam hawiin mawi lo takin a khawih a, a hmasa zawkah hian Pell hian mipa naupang pahnihte’n sacrament wine an in rulai a man hnuah a khawih chingpen a, a hnuhnung zawkah hian mipa naupang pakhat zawk chuan biak in bangah nawr betin a khawihlui tih a sawi a ni. Pawikhawhna tuartu mipa hian kum 2015 khan police hnenah thil thlengte hi a report thu a sawi a ni.
December ni 11 khan jury te hian George Pell hi thubuai 5 hnuaiah thiam loh an chantir a, mahse mipuite hriat theia puan khap a ni. Bail-a chhuak mek George Pell hi Nilaini-a court-a inlan leh tura hriattir a ni a, hetah hian roreltu Peter Kidd-a’n Pell-a laka finfiahna te chu ngaithlain a chungthu a rel dawn a ni. George Pell-a ukil te chuan rorelna sang zawkah thubuai hi ngaihtuah tura zoako an tum thu an sawi.
Pell hi kum 77 mi a ni tawh a, Catholic kohhran puithiamte zinga thiam loh chantir zingah a upa ber pawl a ni.
