Vantlang mipui te tana thawk, social activist Anna Hazare-a’n eirukna endiktu turin anti-corruption watchdog, Lokpal leh Lokayukta din phutin chaw ngheiin ni 6 a awm hnuah a hriselna tla hniamin kg 4.25 a hlauh tawh a, Shiv Sena hotu Uddhav Thackeray-an BJP sorkar chu a thil duh hi tihlawhtlinsakin a nunna chhanhim turin a ngen.

Ahmedabad-a Ralegan Siddhi-ah January ni 30 a\angin Hazaare hian sorkar laipuiah leh Maharashtra-ah anti corruption watchdog din phutin chaw a nghei tawh a, Dr Dhananjay Pote chuan kg 71.1 ni \hin Hazare hian kg 4.25 a hlauh tawh a, a bp pawh a tla hniam hle tih a sawi a, khaw mipuite chuan Pote hi Hazare hriselna endik turin an ngen a ni. Hazare hi sorkar hnathawk eng emaw zat MNS chief Raj Thackeray leh Rajendra Singh, Uddhav Thackeray te telin, an thlawp thu sawiin an lo tlawh tawh a, he a lungawihlohna lantir hi titawp turin an lo ngen tawh a, Raj Thackeray chuan sorkar \angkai lo tan a nunna hlan lo turin a lo ti a, BJP bei dun turin a sawm zawk a ni. Thackeray chuan Hazare lungawilohna lantirna hmuna pung mipuite hmaah chuan PM Narendra Modi chu mi bum hmang a nih thu sawiin kum 2013 vel khan Lokpal thlawp anga a insawi nain kum 5 hnuah pawh hma lak a nih loh thu a sawi a, kum engemawzat kal taa Hazare lungawilohna lantirna hmuna tel \hin, mipui te’n an hmelhriat phah Delhi CM Arvind Kejriwal-a’n a rawn tlawh miah lo hi mak a tih thu a sawi bawk a ni. Anna Hazare chuan sorkar hian a thutiam a hlenchhuah loh chuan a Padma Bhushan dawn chu peklet a tum thu a sawi a ni.