Ovchinin leh Hague te chuanna Soyuz rocket hi kah chhuah a nih hnu rei lo teah khawl lam fel loh vanga \um tir leh nghal a ni a, tun hi Russia in Soviet union hunlai hnu lama hetiang chetsualna a tawh leh vawi khatna a nih avangin Russia tan chuan chanchin lawmawm lo tak a ni. Ningani-a rocket kah chhuah lai hian NASA hotu Jim Bridenstine pawh a tel a, Russia hian sikeisen leh thlaah te vanthengreng zirmite tirh chhuah a tum thu tunhnaiah chhuang taka a lo sawi tawh avangin tuna an hlawhchhamna hi thil zahthlak taka ngaih a ni.
Soviet in a duan, Soyuz Rocket hi International Space Station tana ei leh in tur phurtu ber a nih avangin tuna chetsualna thleng ta hian Space Station-a hna kallai pawh a ti khaihlak dawn a ni.
