Vanglaini chanchinbu buatsaih, Mizo Award 2017 chu New Delhi-a Jawaharlal Nehru University-a Professor, Joy Lalkrawspari Pachuau, Aizawl Ramhlun North hnenah hlan a ni.
Mizo Award hlanna inkhawm hi vawiin chawhnu khan Beraw Tlanga Convention Centre-ah neih ni a, Mizo Award 2014 dawngtu, Pu Sangthankima’n he chawimawina hi a hlan a ni. He chawimawina hian thuziak leh tangkafai, cheng nuai hnih a keng tel a ni. Prof. Joy Lalkrawspari Pachuau chuan chawimawina hlu tak a dawng thei chu Pathian leh a chhungte vang a nih thu a sawi a. Vanglaini-in chawimawina an pek chu zirna lam aiawha dawngah a inngaih thu leh an awiawhin lawmthu a sawi a ni.
Rev. LB Pachuau fanu, Prof. Joy Lalkrawspari Pachuau hi New Delhi-a Jawaharlal Nehru University-a Centre for Historical Studies-a Professor hna thawk lai a ni a, lehkhabu \hahnem tak a ziah tawh bakah chanchinbu-ah Article eng emaw zat a ziak tawh a ni. Joy Lalkrawspari Pachuau hian tuna a thawhna, Jawaharlal Nehru University a\anga MA, M Phil leh Ph D a zir zawh hnuah khawvela University \ha ber pakhat, Oxford University a\angin M Phil leh D Phil a zo leh a, M Phil-ah phei chuan Oxford University-ah 1-na a ni hial a, a lehkhabu pakhat – Being Mizo tih phei chu Indian History Congress-in kum 2012 a\anga 2014 chhunga Modern Indian History subject-a lehkhabu chhuak zawng zawnga \ha berah a puang a ni.
Vawiina Mizo Award 2017 hlanna inkhawm hi Vanglaini Joint Editor, Lalnghinglova Hmar-in a kaihruai a, chawimawina hi a hma chiaha dawngtu, Pu Sangthankima’n a hlan a, Lalnghinglova Hmar-in chawimawina dawngtu chanchin tlangpui a sawi hnuah Pu RK. Lianzuala kaihhruaina hnuaiah zirlaite leh kal khawmten chawimawina dawngtu hi an kawm a ni. Vanglaini chanchinbu buatsaih, Mizo Award hi kum 2011 a\ang khan kum 3 danah hlan \hin a ni a, a hmasa ber chu kum 2011 khan Brig. T. Sailo hnenah hlan a ni a, kum 2014 khan Thutak Nunpuitu Team (TNT) hotupa, Pu Sangthankima hnenah hlan a ni bawk. ————
PWD Chief Engineer (Highway), Pu K. Lalsawmvela’n |huampui leh Tuirial inkar kawngpui siam mek chu a nih tur ang thlapa siam a nih thu, Zonet a hrilh a. Tun hnaia helai kawngpui siam mek en fiahtu, Prism-in a nih tur tling lova kawngpui siam anga an sawi chu hriat sual palh nia sawiin, Zemabawk dai a\anga Tuirial lam chu nakkumah Double Lane-a laih zauh tur a nih avangin sum sen thlawn a nih loh nan Bituminous Concrete chauh phah tura ruahman a ni ta zawk a, hei hi mipui tana \ha ber tura ngaih a ni tih a sawi. Pu K. Lalsawmvela chuan kawngpui siam mek chu phah thuah a nih hmaa Inchi 2-a chhah a ni chu a nih dan tur dik tak a nih thu leh kawng hi tui inpaih tura siam rem ngai a nih avangin a sir tawn chhah zawng chu a inan theih loh thu a sawi a. Kawngpui hi a zau loh avangin a chanve siam phawt a, a chanve dangah lirthei tlantir a ngai avangin a thlur inzawmna lai ko hlei anga sawi chu a nih tur ang a nih thu leh a lehlam siam hnuah kawngpui chhah zawng chu inang tur a nih thu a sawi a, hmun \henkhata kawngpui siam zawh tawh, khawk leh mai theih anga sawi pawh sawifiahin, Thawhlehni khan kawngpui siamna tur Alkatra leh rawra chhum pawlhs a phurtu Motor-in electric ban a sut avangin a thil phurh chu a dai hman a; chumi an phah lai chu a nghet lovin a pawr nasa hle a, hei hi Ningani-a a endik hnuah siam \hat leh nghal a nih thu a sawi. PWD Chief Engineer chuan kawng zau zawng hi khaw chhung bikah Metre 7 a zau tura tih a ni na-in, hmun tam zawkah chuan Metre 9 a\anga 11-a zau-a siamte pawh a awm a, metre 7 tling lo lai pawh a awm nia sawiin, thil \ha duh leh \hahnemngaihna avanga rawtna pe an awm \hin chu an lawm hle rualin, a nih dan tur hre hmasa lova pawngpaw sawisel chu \ha lo a tih thu leh rawtna leh a \ha zawnga insawiselna erawh chu lawm taka an dawn reng theih thu, Pu K. Lalsawmvela chuan a sawi a ni.
