Assembly Session-ah ZPM Group leader, Pu Lalduhoma zawhna chhanga he thu hi sawiin, Pu R. Lalzirliana chuan, Art and Culture Department leh INTACH Mizoram Chapter hmalaknain Vangchhe khuaah hian kum 2016 January a\anga kumin thlengin Archaeological Survey of India, Aizawl Circle chuan Archaeological Excavation \um 3 a nei tawh a, an thil hmuhchhuah leh zirchianna a\anga a lan danin, Vangchhe daia sulhnu hluite chu Mizo hnam \henkhat thlang tla hmasate sulhnu nia ngaih a ni, a ti.
Art and Culture Minister chuan, Mizo Hnam \obul chhui turin thil tam tak ngaihtuah hmasak ngai a awm tih a sawi a. Mizo hnam chu la naupang tak anga ngaih theih anih rualin a upa tawh tih lanna pawh tam tak a awm a, a chhui chiang tura hmalakna erawh a la awm rih lo tih a sawi a, Vangchhe daia sulhnu hlui hmuhte chu Mizo pi pute sulhnu ngei nia a lan avangin Hindu sakhaw betute sulhnu anga Social Media-a thu thehdarh chu Sorkar-in a pawm lo a ni a ti.
Pu R. Lalzirliana chuan, Vanchhe daia sulhnu hlui hrang hrang te hi Art and Culture Department leh INTACH Mizoram Chapter puihnain Archaeological Survey of India-in a zirchiang mek a, zau zawka hma an lak theih nan ASI hian Aizawlah Office changtlung zawk an din mek tih a sawi bawk.
