Vanbawng lal ni \hin, sai lo lal, Lallula Sailo chu Pathianni khan a thi a, kum 91 mi a ni. Upa Lallula Sailo hi Aizawl Ramthar venga a chenna inah thlah liam a ni a, a lalna khua Vanbawng mipuiten an khuaah an lal hriat rengna hun hmangin darkhuang vawi 7 vuain an thlah a ni.

Upa Lallula Sailo hi Sailo lal Vanphunga fapa, Lalliankiauva leh Pi Lalluaii te fa a ni a. Kum 1920-ah Vanbawng ram Hmunsamah a lal \an a, a pa a boral hnuin kum 1947 khan bawrhsapin Vanbawng lal atan a ruat nghal a, kum 1954 a lal thuneihna tihtawp thlengin a lal a ni, lal zaidam, lal hmel\ha leh rorel thiam tak a nih avangin a khua leh tuiten an chhuang hle a, nikum December thla khan Vanbawng Khawchhuak inzawmkhawm pawl chuan chawimawina an hlan a ni.